LEGAZPI CITY-Naghahanda na an pigsasagibong repacking asin replenishment sa mga family food packs kan Department of Social Welfare and Development (DSWD) bilang preparasyon sa panahon kan tag uran asin Tropical Storm Crising.
Segun kay DSWD Spokesperson and Assistant Secretary Irene Dumlao, na-activate na an response cluster kung sain sa irarom kaini pighahanda na para sa mobilosasyon an mga resources kan manlain-lain na ahensya na siyang parte kan response cluster kan National Disaster Risk Reduction Management Council (NDRRMC).
Obheto suboot kaini na magin komprehensibo asin well coordinated an magigin response efforts kan mga katuwang na ahensya.
Pigsierto na man ni Dumlao na nakahanda na para sa augmentation an saindang mga personahe sa Office of Civil Defense (OCD) ngani mas marikas an koordinasyon sa mga pangangailpuhan sa mga lokal na pamahalaan.
Dagdag pa ni Dumlao, sa presente igwang P2, 941, 403, 617. 40 centavos na kabuuang standby fund an saindang ahensya para sa pagbakal kan mga stockpile goods asin iba pang pangangaipuhan.
Mantang 3, 021, 740 man an family food packs na strategically preporistioned na sa bilog na nacion kung sain 28,107 digdi an ready to eat na mga food packs asin 334,791 man an mga non-food items.
Sa presente nagpapadagos man an repacking kan mga food packs sa Pasay City.
Pigsierto man kan ahensiya na sa tabang kan mga makabagong makinarya sa National Resource Operations Center, mas mapapadali an saindang operasyon.
