LEGAZPI CITY-Nakauli na sa Pilipinas an 4 na Pilipino, edad 27 hasta 46 hale sa Cambodia makalihis na mabiktima kan scam syndicates na nag-ooperate sa Southeast Asia, segun iyan sa Bureau of Immigration (BI).
Segun kay Bureau of Immigration Commisioner Joel Anthony Viado, pigiimbestigaran na an mga posibleng imbuelto sa human trafficking.
Nakaabot kan an mga biktimang Pilipino sa Pilipinas kan Hulyo sa NAIA Terminal 1.
Naaraman man n a3 sa sainda an naghale sa nacion bilang turista, mantang an saro nagagi sa pigaapod na “backdoor” o bako regular na ruta, na nagbukas giraray kan isyu mapadapit sa seguridad sa mg alternatibong exit point ssa nacion.
Ipigistorya kan mga biktima na pigpangakuan sinda nin trabahong igwang halangkaw na sahod asin marikas an deployment pasiring suboot sa Thailand.
Alagad, pagabot duman, dinara sinda sa Cambodia asin pinirit suboot na magsagibo nin online scam siring kan love scams asin phishing na pigtatarget an mga dayuhan.
Saro sa mga biktima an nagbyahe haleng Palawan pasiring sa Kota Kinabalu sa paagi kan speedboat, bago maagi sa sa Thailand, Myanmar, asin Cambodia.
