LEGAZPI CITY-Dai mababa sa 33 katawo an nagadan asin 36 pa an nairido makalihis na an militar kan Myanmar magsagibo nin sarong airstrike harani sa sarong merkado sa Kyauktaw, Rakhine State, kan Lunes, Setyembre 28.
Susog sa pahayag kan Arakan Army, sarong fighter jet an naghulog nin duwang bomba harani sa merkado.
Nagadan an paratinda digdi, mga parabakal, asin mga kaharaning residente.
Kinumpirmar kan rescue official na si Wai Hun Aung, an mga numero kan mga nagadan asin sinabi na an lugar sarong mayor na sentro nin pakyawan na pigdudumanan kan mga negosyante hale sa bilog na rehiyon.
Nagpatanid an Arakan Army na pwedisir maglangkaw an numero kan mga nagadan mantang nagpapadagos an mga operasyon sa retrieval at rescue operations sa narumpag na mga pasilidad.
An militar kan Myanmar dai pa nagpaluwas nin opisyal na pahayag manungod sa pangyayari.
Mientras tanto, padagos an matinding labanan asin kariribuhan sa Myanmar kasunod kan kudeta sa militar 2021, kun sain nakikipaglaban an pamahalaang militar sa manlaen-laen na armadong grupo, kabali an Arakan Army.
