Ikinahandal kan pirang legal expert an report na igwang Maltese passport si Defense Secretary Gilbert Teodoro, bagay na suboot labag sa ley para sa sarong opisyal kan gobyerno—urog na sa Cabinet-level positions.
Segun ki Atty. Arnedo Valera, sarong constitutional asin international law expert, dae maubra na may “sworn allegiance” sa ibang nacion an sarong kalihim kan defense huli ta orolay ini kan pambansang integridad asin seguridad.
Ipigdoon ni Valera na kun dae man liwat ni-renounce ni Teodoro an saiyang Maltese citizenship, pwedesir siyang manimbag sa irarom kan ley.
Sa tahaw kan isyu, nilinaw man kan Department of National Defense (DND) na isinurender na ni Teodoro an saiyang foreign passport bago pa nagdalagan bilang senador kan 2022.
