Lumantad na si alyas “Totoy” asin pinangaranan sinda Atong Ang, Gretchen Barretto asin duwang iba pa na may kinaaraman suboot sa kaso nin mga nawawarang parabulang.
Nagpabisto ini na si Julie Dondon Patidongan asin siya suboot an hepe kan security agency na may kapot sa mga farm asin bulangan ni Ang.
Saro man si alyas “Totoy” sa mga sinunadan sa kaso kan mga nawawarang parabulang sa manlaen-laeng lugar sa nacion.
Sinabi kaini an mastermind suboot sa pagkawara kan dae mababa sa 100 na parabulang iyo si Ang asin duwang iba pa.
Dugang pa ni alyas “Totoy”, nagkusog-boot siyang magluwas huli ta aram niyang dae kayang bayadan nin kwarta an hepe ngunyan kan Philippine National Police na si Gen. Nicolas Torre III.
Naenot nang ini-report na mademanda si Ang laban sa whistleblower na si alyas “Totoy” kan Huwebes, Hulyo 3.
