LEGAZPI CITY-Nagtiripon sa kabisera kan Bangkok Thailan kan nakaaging aldaw an labi sa 17,000 na mga ralihista na pigmamawot na magretiro na sa saiyang pwesto si Prime Minister Paetongtarn Shinawatra, na nagpapalala suboot sa lado kan ekonomiya kan nasambitang nacion huli sa krisis sa sarong border dispute laban sa kataning na nacion na Cambodia.
Segun kay Panthrep Pourpongpan, lider kan mga nagprotesta sa Bangkok, pigmamawot ninda na magretiro na si prime minister huli sa wara suboot ini nin nahihiling na problema maliban sa saiyang sadiri bilang wala umanong ibang nakikitang problema maliban sa pinuno.
Nangyari ini makalihis an nagin sagupaan sa pagultanan kan Thailand asin Cambodia mapadapit sa pig-aagawang parte kan teritoryo sa saindang mga hangganan.
Sinigundahan man ini kan mga grupong makabayan sa Thailand makalihis na an prime minister nagpatanid sa sarong commander kan hukbong sandatahan kan nacion asin kan nagpakumbaba ini sa dating lider kan Cambodia na si Hun Sen, na naaraman sa paagi nin sarong leak na apod sa telepono.
Ipinagbabawal sa Thailand an pampublikong pagpapatanid sa militar huli sa makusog na impluwensiya ini kan nacion.
Sa presente, nagtutubod an mga mamamayan kan Thailand na minamanipula kan lider kan Cambodia an pamilya kan Prime Minister.
