LEGAZPI CITY-Igwa nang pigsunudan na lead an Philippine National Police Anti-Cybercrime Group mapadapit sa bagong deepfake videos ni President Ferdinand Marcos Jr. na nagkakalat sa internet asin nagpapahiling nin pagendorso kaini sa sarong online trading platform na siyang enot nang pigbabawalan kan Cybercrime Investigation and Coordinating Center (CICC).
Sa presente, nagsasairarom na sa case-build up an nasambitang deepfake videos ngani maituro kung sisay asin sain hale an mga video kan presidente.
Ipighanda na man an cyber warrant para sa mga inidibidwal na nasa likod kan pagsagibo nin videos na ini asin igwang nagkapira suboot sindang nanotaran na imbuelto sa iba pang mga deepfake videos kan nagkapirang personalidad.
Mientrastanto, nakikipagkoordinar na an ahensiya sa social media platforms para sa preservation of data asin pagpapahale asin pagtake down sa nasambitang video kan presidente ngani maibitaran an pagpapakalat kan mga maling impormasyon.
