LEGAZPI CITY – Nanindugan an Police Regional Office 5 na kayang mapaotob an kasuguan ni Philippine National Police (PNP) Chief PGen. Nicolas Torre III na 5 minutes response time kan kapulisan.
Segun ki Regional Director Police Brigadier General Andre Dizon sa intrevista kan Bombo Radyo Legazpi na kan enot na pagtukaw niya sa ofisina sa rehiyon an pig-enot niya iyo an hightend visibility sa mga pampublikong lugar nganing mamatean kan publiko an presensya kan kapulisan.
Ginibo suboot ni PNP Chief Torre na 5 minutes an pagresponde nganing matawan nin bastanteng oras an mga kapulisan na magpasiring sa mga komunidad.
Nagtutubod siya na madali na sana para sa mga kapulisan sa rehiyon na magresponde sa laog nin limang minuto huli ta sanay na an mga ini asin kaipuhan na sana nin adjustment sa saindang duty.
Pagdoon ni Dizon na dae na suboot kaipuhan na hanapon sa mismong police station kundi magkoordinar na sana sainda sa paagi kan cellphone sa pagdial sana nin 911 asin maresponde sinda sa laog nin limang minuto.
 Chief PGen. Nicolas Torre III with 5 minutes response time of the police.){kind=link}