LEGAZPI CITY – Nakadeploy na an Philippine Coast Guard (PGC) sa mga lugar asin mga pantalan sa bilog na rehiyon kan Bikol kung sain posibleng maapektaran kan Low Pressure Area (LPA).
Segun kay Coast Guard District Bicol Public Information Officer Ensign Paul Laurence Literal, sa intrevista kan Bombo Radyo Legazpi, nagsasagibo na sinda nin special training para sa saindang mga personnel ngani makadagdag ini sa work force enkaso na magkaigwa nin mga rescue operation, alagad nagsasagibo man sinda nin pre-maintenance kan mga gagamiton ninda sa pag-rescue ngani masierto an kondisyon kan mga ini sa maabot na tag-uran na panahon.
Dagdag pa ni Literal, nakabantay naman an saindang mga rapid rescue team na maresponde sa mga hararayo na lugar lalo na sa mga hararani sa coastal area.
Mientrastanto, kairiba pa sa saindang preparasyon an padagos asin 24 oras na pagbantay kan saindang mga personnel sa mga command centers ngani magkaigwa man tulos nin koordinasyon sa mga lokal na pamahalaan pag-abot sa mga evacuation centers asin makahagad tulos nin tabang.
Mas mahigot an saindang preparasyon enkaso na magkaigwa nin mga pagbaha katakod kan nakaaging mga kalamidad sa Bicol.
Nagpagirumdom man an opisyal sa publiko na magsunod sa mga awtoridad, maglikas kung kinakaipuhan, asin mag-ingat lalo na an mga parasira sa mga darakulang hukol sa dagat.
Pangapudan pa kan mga awtoridad na kung may mga kahaputan, makipag-koordinar sa saindang Facebook page o pwedesir na mag-apod sa saindang number na 09543120934 enkaso magkaigwa nin emergency sa maabot na panahon.
 is already deployed in areas and ports throughout the Bicol region that are likely to be affected by the Low Pressure Area (LPA).){kind=link}