Pigpapasyerto ni Presidente Ferdinand Marcos Jr. sa Department of Trade and Industry (DTI) na warang nagsasamantala sa presyo kan school supplies katakod sa paparaning balik eskwela kan mga estudyante.
Segun kay Palace Press Officer USec. Claire Castro na mawot kan Presidente na maasigurar na nasususog sa tamang presyo an kaipuhan kan mga estudyante asin mabantayan an presyo sa mga merkado nganing dae mapagalan urog na an mga nagtitios na pamilyang Pilipino.
Huli digdi pigsugo kan Presidente an DTI na siguraduhon na nasususog an mga school supplies sa tamang presyo.
Bilang aksyon sa direktiba kan Pangulo, personal na nag-libot si DTI Secretary Cristina Roque sa mga dakulang merkado arug kan Divisoria nganing aramon an presyo kan school supplies.
Digdi nahiling na may mga pagbaba sa presyo kan 29 na school items poon piso hasta P10.
Sinabi ni Castro na nagluwas na man nin price guide an DTI nganing magkaigwa nin giya an mga magurang sa tamang presyo kan school supplies.
Ipighayag man ni DTI Secretary Maria Cristina Roque na stable an presyo kan mga school supplies sa mga merkado.
 that no one is taking advantage of the price of school supplies in connection with the upcoming return to school of students.){kind=link}