LEGAZPI CITY- Nag-preparar na an Albay Provincial Health Office sa posibilidad na magkaigwa nin Monkeypox sa provincia.
Segun kay Albay Provincial Health Officer Dra. Estella Zenit sa intrevista kan Bombo Radyo Legazpi, importante an paghahanda sa posibilidad na magkaigwa nin kaso kaini digdi sa provincia kan Albay.
Paliwanag kan opisyal, wara pa nin mga kaso nin helang sa bilog na provincia ngunyan alagad nagkaigwa na nin inisyal na pag-oolay an Albay Public Health Office kairiba an Department of Health (DOH).
Magkakaigwa man nin konsultasyon an mga ahensiya kan gobyerno sa maabot na Hunyo 19, kairiba an mga personalidad arog kan mga epidemiologist, representative kan mga munisipyo, rural health unit, mga ospital, asin an gentlemens Bicol ngani magkaigwa nin tamang preparasyon asin diskusiyon katakod kan impeksiyon na ini.
An kaibahan kan nasabing helang sa Covid, iyo an pag-transmit sa paagi nin close contact, respiratory droplets asin sekwal na interseksyon.
Pagirumdom kan ahensiya na magsunod man giraray sa minimum health standard kaparehas kan mga ginibo kan nakaaging pandemya arog kan urualdaw na paghugas nin kamot asin magsulot man giraray nin facemask pag nagluwas ngani maibitaran an helang na ini.
Kaibanan sa mga sintomas kan monkeypox an pagkulog nin payo, pagkakaigwa nin mga rashes, muscle pain, asin itchiness.
Enkaso na magkaigwa nin sintomas, pigtutugon kan ahensiya na magpa konsulta tulos asin alagaan an salud.
