Ikinabigla ni dating Overseas Workers Welfare Administration adminstrator Arnell Ignacio an pagsusunad saiya nin kaso huli sa pagbakal kan ahensya kan P1.4 bilyon na kantidad nin daga.
Sinabi kaini na kan 2018 mantang siya an deputy adminstrator pa sana, nagluwas na an nasabing plano na pagbakal nin daga.
Pigduon ni Ignacio na warang anuman na iregularidad an nasabing kontrata huli ta ipigrani pa ini sa Department of Budget and Management asin kan babakalon an daga sa may Ninoy Aquino International Airport terminal 1, mismong an LandBank an nagsagibo nin evaluation kun sain nakakuwa sinda nin mga permit sa Civil Aviation Authority of the Philippines.
An nasabing daga an pagtitindugan kuta kan mga paramientras na pagpapahingaluan kan mga nag-uuli na Overseas Filipino workers.
