LEGAZPI CITY – Arestado an sarong lalaki sa banwaan nin Monreal sa provincia nin Masbate makalihis makuwaan nin badil.
Segun ki Monreal Municipal Police Station Acting Chief of Police Police Captain Joseph Almencion sa intrevista kan Bombo Radyo Legazpi na nakipagkoordinar sainda an sarong kapitan kan Barangay Famosa kan nasambitang banwaan asin provincia mapadapit sa kariribukan na nangyayari sa saindang barangay.
Pag-abot kan saindang tropa an nasa kustodiya na ini kan mga opisyales kan mga barangay asin tulos na ipigturn-over sainda an suspetsado asin an narekober na sarong caliber 45 Colt MK 4 pistol asin sarong magazine na may laman na duwang bala.
Binisto an suspetsado na alyas “Mic,” 31 anyos, warang agom, sarong caretaker, asin residente kan Sitio Ca-onggo, Barangay Rizal, Monreal, Masbate.
Pigtaram pa kan opisyal na susog sa naguno nindang impormasyon na pinukpok kan suspetsado an saiyang nakaalitan rason nganing nagkaigwa nin komosyon sa naunambitang barangay.
Depensa suboot kan suspek na ginulpi kan mga kaibahan kan biktima an tugang kaini kun kaya nagibo niya an insidente.
ini an enot na bes na nagkaigwa nin violator an nasabing banwaan pirang aldaw antes matapos an 2025 Midterm Election kun kaya dae pa ninda pighahale an mga wala-toong comelec checkpoints.
Pigdoon pa kan opisyal na sa presente an nasa kustodiya na kan Monreal MPS an suspetsado asin an mga nakumpiskang ebidensya para sa magkakanigong dokumentasyon asin pagsusunad nin kaso sa pagbayolar sa RA 10591 asin COMELEC gun ban.
