Idineklara kan World Health Organization (WHO) ang polio outbreak sa Papua New Guinea asin nangapudan nin tulos na pagbabakuna kontra sa helang.
Nadiskubre an virus sa duwang joven na warang sintomas sa ciudad kan Lae sa paagi kan routine screening.
Susog sa WHO hababa an antas kan pagbabakuna sa nacion, mas hababa sa kabanga kan populasyon na may mga bakuna kontra sa polio.
Patanid ni WHO representative Dr. Sevil Huseynova, kaipuhang makuwa an 100% coverage sa lalong madaling panahon huli ta pwedesir na magkalat an helang sa nacion.
Mientrastanto, target kan gobierno kan Papua New Guinea na mabakanuhan an gabos na aking may edad 10-pababa ngunyan na taon, na pigkarkulong maabot sa 3.5 milyong katawo.
Makakatabang kan Papua New Guinea an World Health Organization, United Nations Children’s Fund (UNICEF) asin gobierno kan Australia ngani ma-contain an polio.
Magigiromdomang ideneklarang polio-free an nacion kan 2000, alagad nagkaigwa nin outbreak kan 2018 na tulos namang na-contain.
Inireport na an bagong strain kan virus an may genetic link sa strain na nagtama sa Indonesia.
Mientrastanto, padagos mang nakakakaeksperyensya nin polio outbreaks an pirang nacion sa Asia siring kan Pakistan asin Afghanistan, mantang may patanid man nin posibleng outbreak sa Gaza.
 has declared a polio outbreak in Papua New Guinea and called for immediate vaccination against the disease.){kind=link}