Nagadan an sarong Filipino teenager sa Milan, Italy makalihis na mabangga nin tren sa Greco-Pirelli station sa nasabing nacion.
Basado sa inisyal na impormasyon kan mga otoridad, naidara pa sa San Gerardo Hospital sa Monza an biktima alagad dae na ini naisalbar pa.
Susog sa imbestigasyon, nagbabalyo an biktima kairiba an saiyang magurang sa riles kan tren lunad kan saiyang scooter.
Sa dae piglalaomang pagkakataong nabangga ini kan nag-aging tren.
Nagpaabot man nin pakidumamay an Philippine Consulate General sa Milan sa pamilya kan biktima.
