LEGAZPI CITY – Nahiling kan sarong toxic watchdog group na nagin maray an pagmamantenir kan mga simbahan sa kalinigan sa enterong durasyon kan Holy week.
Segun ki BAN Toxics campaigner Thony Dizon sa intrevista kan Bombo Radyo Legazpi na may mga nagkapirang simbahan na nagpaotob nin Zero-waste and toxic Free environment na saindang ipinangapodan bago magpoon an lenten season.
Dakulang tabang man an pag-anunsyar kan mga gobierno lokal mapadapit sa nasabing pag-obserba nin kalinigan sa mga sagradong lugar na saindang binisita.
Kaipuhan suboot nin mas sinserong pagpursige nganing mapadagos an pagmantenir an kalinigan tuyong mahal na araw.
Pigtaram pa kaini na wara man sindang nanotaran na kandila na gibo sa ibang nacion na pwedesir na may toxic chemicals na delikado sa salud kan makakabakal nin kontaminadong kandila.
Nagin kabawasan man sa paglilinig an pagdesignar nin mga lugar kun sain sana pwede magpadukot nin kandila sa mga simbahan asin pasyaran.
Importante suboot an pagigin aktibo kan mga church communities, mga nasa local government, asin visibility kan mga street sweepers nganing mamantenir an kalinigan sa mga simbahan.
Paglinaw ni Dizon na ini an base sa saindang monitoring sa mga nagkapirang simbahan asin dae siya syerto kun naipaotob ini sa mga simbahan sa enterong pilipinas.
