Inabisuhan kan Department of Health (DOH) an mga deboto ngonian na Holy Week na dae kaipuhang kulugan an sadiri sa pagpepenitensiya arug kan pagpapapako sa krus asin pagtampa sa likudan o self-flagellation.
Pigsabi ni Health spokesperson Assistant Secretary Albert Domingo na dae kaipuhang lugadan o kulugan an sadiring hawak alinsunod na man sa abiso kan mga kapadian.
Kun dae man suboot malilikayan, pinagirumduman kan mga opisyal an mga deboto na maggamit na sana kan mga bagay na na-sanitize o paggamit nin antiseptic arug kan iodine nganing mailikayang maimpeksiyon asin hugasan nin maray an mga lugad gamit an sabon asin malinig na tubig.
Pigtaram pa kan opisyal na an mga lugad sa hawak kan pagpenitensiya an pig-aapod na “dirty wound” huli ta pwedesir kaya suboot na panghalean nin mikrobiyo an alpog sa daga, asin an piggagamit sa pagpenitensiya.
Abiso pa kan DOH official na dai na maglukso sa salog o sa dagat asin linigon tulos an lugad.
Ginibo kan ahensiya an pagirumdom kasabay kan taunang tradisyon kan kadakol na mananampalatayang Katoliko na pagpepenitensiya kada Mahal na Araw nganing ipahayag an pagsisisi sa mga kasalanan asin rumdumon an dakilang sakripisyo kan Panginoong Hesu Kristo sa paagi kan pagpapapako sa krus asin pagrapas sa likudan kan hawak na ipigsasagibo kada Huwebes Santo asin Biyernes Santo.
 has advised devotees this Holy Week not to harm themselves in penance such as crucifixion and self-flagellation.){kind=link}