LEGAZPI CITY—Sarong aksidente an kinaimbuweltohan kan sarong company truck asin behikulo nin kapulisan an nairehistro sa Barangay Danlog sa banwaan kan Pilar, Sorsogon.
Segun ki Pilar MPS Acting Chief of Police PCPT Brian Bea, sa intrevista kan Bombo Radyo Legazpi, na segun sa pahayag kan driver kan truck na bigla na sanang nagadan an makina kan saiyang pigmamaneho asin na-stuck sa tinampo.
Kun kaya napagdesisyunan kan Pilar MPS na tanggalon an truck nganing dae na ini makaaksidente.
Mantang piggagaposan ini nin lubid asin pigbalo na guyudon gamit an saro pang ten wheeler na truck an naputol suboot an panggapos na lubid na nagresulta sa pag-atras kan truck asin nabangga an piggagamit na pampatrolyo na behikulo kan kapulisan.
Huli digdi nagin dakula an danyos kan behikulo kan kapulisan.
Dugang kan opisyal na sa presente natanggal na an truck asin an behikulo kan kapulisan huli na man sa paggamit nin bulldozer asin firetruck.
Sinabi pa ni PCPT Bea na wara man na persona an nairido sa nasambitang insidente.
Mientrastanto, an driver kan truck an nasa kustodiya na kan Pilar MPS ngani pagbayadan an danyos kan nabanggang behikulo.
Posible man ining mahampang sa kasong Reckless Imprudence Resulting in Damage to Property.
