Binawian nin buhay an tulo sa anom na mga lunad kan buminagsak na ambulance helicopter sa kadagatan na sakop kan southwestern Japan.
Segun sa Japan Coast Guard na kaibanan sa mga nagadan an 86-anyos na pasyente na si Mitsuki Motoishi, caretaker na si Kazuyoshi Motoishi asin medical doctor na si Kei Arakawa.
Naisalbar man an tulong iba pa na lunad kan ambulance helicopter kaibanan na an piloto na si Hiroshi Hamada, Kazuto Yoshitake, helicopter mechanic asin 28-anyos na nurse na si Sakura Kunitake.
Nangyari an trahedya mantang pasiring an helicopter sa sarong ospital sa Fukuoka ngani na darahon an pasyente hali sa airport sa Nagasaki prefecture.
Sa presente padagos pang pig-iimbestigaran an kawsa kan nasabing aksidente.
