Ipighayag kan Palasyo nin Malacañang na dae basta-basta mapapapundo an pagbabarewas nin Ayuda para sa Kapos ang Kita Program o AKAP ngonian na panahon kan kampanya.
Segun kay Palace Press Officer Usec Claire Castro na kadakol na Pilipino an naglalaom sa nasabing ayuda nganing matustusan an saindang pang-urualdaw na pangangaipuhan.
Urog na suboot na nagluluwas sa survey na kadakol na Pilipino an nagugutom sa ibong kan manlain-laing programa kan gobierno laban sa kagutuman.
Huli digdi, dae tulos suboot masususpinde an distribusyon kan AKAP, lalo na’t kadakol an umalma kan mga benepisyaryong haloy nang naglalaom digdi bilang pantawid sa pang urualdaw nindang pangangaipuhan.
Magigirumduman na kan nakalihis na semana pirang grupo an nagsunad nin petisyon sa Korte Suprema na nagmamawot nin temporary restraining order sa pagpapaotob nin AKAP huli sa suboot nagsisirbing congressional pork barrel.
Kan nakalihis man na semana, nagluwas an COMELEC nin certificate of exemption sa spending ban ngonian na eleksyon sa pirang programa kan DSWD, kabale an AKAP program.
 will not be stopped easily during the campaign period.){kind=link}