Bako makatarungan an pag arestar kay dating Presidente Rodrigo Duterte.
Ini an inihayag ni dating Presidential Legal Counsel Salvador Panelo.
Sa sarong pahayag sinabi ni Panelo na dae tinugutan kan PNP an mga abogado kan dating Presidente na makipaghilingan saiya nganing kwestiyunon an legal basis sa pag arestar sa dating lider kan nacion.
Piggiit ni Panelo na pinagkaitan nin legal na representasyon an dating presidente sa oras kan saiyang pag arestar.
Dugang pa ni Panelo na dae kukwestyunon an pag arestar kun igwang hard copy kan arrest warrant na ipinahiling.
Nanindugan si Panelo, na an pag aresto kay Duterte an iligal huli ta an ICC arrest warrant an naghale sa sarong spurious source asin an ICC an wara nang hurisdiksyon sa Pilipinas.
Sa aksyon kan gobyerno, magiging kriminal an paninimbagan kan arresting team siring man kan mga public officials na nag susugo na arestuhon an mga ini.
