Nasa 11 katawo an binawian nin buhay mantang nasa 30 iba pa kaibanan na an limang mga kaakian an irido sa missile asin drone attacks kan Russia sa eastern city kan Dobropillia sa Donetsk region.
Segun sa Emergency services kan Ukraine, nadanyaran sa pag-atake an walong residential buildings, sarong administrative building asin tulong mga behikulo.
Basado man sa pahayag kan Ukraine Interior Ministry, napag-araman na ginamit kan Russian forces sa pagsakyada an duwang ballistic islander missiles asin sarong cruise missile, siring man an kabilugan na 145 drones kaibanan na an dummy drones.
Sinabi kan Ukraine na naharang kan saindang fighter jets asin mobile fire groups na nasa ground an cruise missile asom 79 na drones kan Russia.
Ginibo kan Russia an pagpapakusog kan saindang aerial assault sa Ukraine kasunod kan pagpundo kan Estados Unidos sa intelligence sharing kaini sa Kyiv.
