LEGAZPI CITY- Nagpapadagos na an training sa mga electoral boards sa rehiyong Bicol katakod kan nagdadangadang na 2025 elections.
Segun ki Commission on Elections Bicol Director Atty. Jane Valeza sa intrevista kan Bombo Radyo Legazpi na nagpuon na an training sa Albay, Camarines Sur, Camarines Norte, Masbate, asin Sorsogon mantang an Catanduanes an mapuon pa sana sa Marso 7.
Napag-araman na afuera sa mga paratukdo igwa man na iti-train na nasa 148 na mga kapulisan sa mga provincia afuera sa Sorsogon.
Obheto kaini na maaraman kan mga PNP personnel an proseso kan pagboto asin operasyon kan mga automated election machines.
An nasabing mga kapulisan an kaibanan sa mga idi-deploy para sa peace and security asin magigin standby bilang mga electoral board sa panahon kan emerhensya.
Segun ki Valeza na nasa poco mas o menos 30,000 na mga indibidwal hali sa Department of Education asin iba pang mga ahensya ngani na gumanap sa saindang mandato sa pirilian.
