LEGAZPI CITY- Ipinaliwanag kan Bureau of Fisheries and Aquatic Resources an mga posibilidad kan pagka-wash ashore kan mga sira sa baybayon sa Paniman, Caramoan, Camarines Sur.
Ini makalihis na magdagsa an dakol na mga sira sa nasabig baybayon na pigkokunsiderar na dakulang biyaya kan mga parasisira.
Segun ki Bureau of Fisheries and Aquatic Resources Bicol spokesperson Rowena Briones sa intrevista kan Bombo Radyo Legazpi na nagkapira sa mga posibleng rason kan insidente an pagbabago sa temperatura kan tubig, pag-shift kan ukol kan kadagatan o hibabang oxygen level sa dagat.
Posible man na naghahanap nin makakaon an nasabing mga sira o nagkaigwa nin disruption sa natural habitat kan mga ini kaya napapadpad sa hibabaw na parte kan kadagatan.
Sinabi kan opisyal na sa mga siring na insidente, pigpapayuhan an mga parasisira na siertuhon man liwat na fresh an mga sira ngani na maasegurar na salbado na ikonsumo.
Mientras tanto, nilinaw man nu Briones na wara man na scientific explaination na magkakaigwa nin kalamidad kun nangyayari an kaparehong mga insidente na napapadpad sa baybayon an mga sira.
