Ipinagbawal kan Department of Agriculture (DA) an importation nin mga animal products na haleng Germany na posibleng tamaan kan foot and mouth disease (FMD) nganing mapugulan an paglaog kan virus sa Pilipinas.
Nagluwas an DA nin Memorandum Order No. 8 makalihis na ireport kan Germany an mga kaso kan nasambitang helang kan nakaaging bulan.
Segun sa memo, kinakaipuhang protehiran an salud kan mga hayop sa nacion laban sa foot and mouth disease.
Kaiba sa ipinagbabawal na produkto iyo an karne, casings, tallow, mga hooves asin horns , pati na man an buhay na orig, baka, asin karabaw, kabale an saindang semilya.
Pigtutugutan man an paglaog kan mga delivery hale Germany na nasa biyahe na, basta an mga ini an naiproseso bago nagsapit an Disyembre 26, 2024, asin negatibo sa helang pag-abot sa nacion.
An Pilipinas an minidbid kan World Organisation for Animal Health bilang FMD-free na warang bakuna poon pa kan 2014.
 has banned the importation of animal products from Germany that may be affected by foot and mouth disease (FMD) to prevent the virus from entering the Philippines.){kind=link}