LEGAZPI CITY-Nakabalik na sa Pilipinas an 90 overseas Filipino workers (OFWs) asin an saindang mga pamilya huli sa nagpapadagos na kariribokan sa Middle East.
Ini binibilog kan 33 na OFWs na nag-aprobetsar sa alok kan gobierno para sa evacuation mantang an natatadang mga OFWs, stranded pa sa ngonian sa Dubai.
Segun sa Department of Migrant Workers (DMW), nag-abot an mga OFW kan Marso 8 sa Ninoy Aquino International Airport (NAIA) Terminal 3.
Sinabat sinda mga opisyales kan DMW sa pamamayo ni Secretary Hans Leo Cacdac asin mga personahes kan Department of Social Welfare and Development (DSWD).
Poon kan Marso 5, ligtas nang nakauli sa nacion an 399 OFWs asin 12 OFW dependents huli sa nagpapadagos na kariribukan sa Middle East.
Napag-araman man kan ahensya na 11 Pilipino an ligtas na na-ebakwar hale sa Iran asin dinara sa Turkiye.
Mientrastanto, padagos an pagtabang kan DFA sa mga kababayang Pilipino sa Iran.
