Gadan an siyam na katawo mantang apat na iba pa an nalugadan makalihis na ararohon nin sarong kotse sa Seoul, South Korea.
Segun sa mga otoridad, nakatindog sana an mga biktima sa baba kan traffic light kan mangyari an insidente.
Sarong kotse na pigmamaneho kan 60 anyos na driver an biglang napasiring sa ibong na linya kan tinampo, rason ngani na makabangga ini sa kasabat na duwang sakayan hasta sa mabangga man an mga tawo.
Sa kusog kan pagkakabangga, tulos na binawian nin buhay an siyam sa mga biktima mantang nagsapar nin mga lugad sa hawak an apat na iba pa.
Sa ngunyan nakakasel na an driver kan nakabanggang kotse na pigsasairarom na sa imbestigasyon.
