LEGAZPI CITY-Nagrapado na sa labi 9.7 milyong indibidwal o katumbas kan 2.6 milyong pamilya an presenteng apektado kan mga nakaaging mga pagbagyo basado sa datos kan National Disaster Risk Reduction and Management Council (NDRRMC).
Nasa 7,479 na pamilya digdi o katumbas kan 28,500 na indibidwal an nagtetenir pa sa mga evacuation centers mantang 11,957 na pamilya o dai mababa sa 40,597 na indibidwal an presenteng natatawanan nin asistensya sa luwas kan mga evacuation centers.
Afuera sa datos, nagtetenir sa 37 na inbidwal an nairehistrong gadan huli sa nakaaging pananalasa kan raot na panahon, kung sain lima digdi an beripikado mantang nasa 32 pa an ipigsasairarom sa validation.
Mientrastanto, nakapagrehistro man nin kabilugang numero na nasa 108,375 na mga damaged houses an NDRRMC na siyang hale sa mga rehiyon siring kan,Central Luzon, CALABARZON, MIMAROPA, Bicol Region, Western Visayas, asin iba pa.
