LEGAZPI CITY-Naguno kan Sorsogon State University an Top 1 sa mga state univesities sa bilog na Bicol Region sa EduRank 2026 Global Rankings.
Segun kay Sorsogon State University President Dr. Geraldine F. De Jesus na ikinaogma ninda an baretang ini mantang nasa Top 88 kan nakalihis na taon alagad ngonian nasa Top 66 na sa bilog na nacion.
Sinabi pa ni De Jesus na indikasyon ini kan gabos na nagibo kan saindang komunidad kabale na an gabos na research sources na dakulang bagay para sa nakuwang trayumpo kan unibersidad.
Nagin susi man suboot kan trayumpong ini an pagkakasararo poon sa mga estudyante asin mga staff na nagtatrabaho para sa common goal asin pigsisierto na makuwa an siring kaining kapangganahan.
Dagdag pa kan opisyal na pinaka-obheto kaini, iyo an para sa mga estudyante asin mailaag an unibersidad sa global era, siring man ngani magin proud an mga estudyante, mga nag-gradwar asin alumni sa unibersidad.
Mensahe man kan opisyal sa mga estudyante na dapat magin proud an mga estudyante sa achievement na ini huli ta para man ini sa sainda asin sa bilog na alma mater.
