LEGAZPI CITY- Nagluwas sa isinagibong survey kan Octa research na mas dakol na mga pilipino an nagsusuporta sa pag ban kan Philippine Offshore Gaming Operators sa nasyon.
Segun kay Guido David, an Octa research fellow sa naging intrevista kan bombo radyo Legazpi nasa 83% na mga pilipino an nagsusuporta sa pag ban kan POGOs mantang 12% naman an nagsabing dae asin 5% an wara pang desisyon.
Ipigkondosir an nasambitang survey kan nakalihis na Hunyo 26 sagkod Hulyo, 2024 na pigsimbagan kan nasa 1,200 respondents sa bilog na nasyon.
Parte suboot an nasambitang survey kan “tugon ng Masa” na obhetong matawan nin giya an gobyerno sa pagbilog nin mga regulasyon sa nasyon.
Mientrastanto, sinabi man kan opisyal na mas naglangkaw ngunian an kaaraman kan publiko dapit sa pogo kun saen dae man suboot direktang nakakakua nin benipisyo an mga average na pilipino gikan sa POGO.
Kun magigirumduman,pig- anunsyar ni Presidente Ferdinand Marcos Jr. an pag ban kan Philippine offshore gaming operators (POGOs) sa nakalihis na ikatulong State of the Nation Address (SONA) kaini.
