LEGAZPI CITY-Guminadan nin dai mababa sa 8 katawo, kaiba an mga jovenes, segun sa mga emergency services kan Israel, makalihis an pag-atake nin milyon na air raid sirens kan Iran na nagsalakay sa bilog na nacion kan nasambitang lugar.
Segun sa sarong tagapagtaram kan Magen David Adom (MDA) sa central region, dai mababa sa apat na tawo, kaiba an sarong 10-anyos na aking lalaki an nagadan asin mga 100 pa an irido huli sa sarong rocket strike. Dagdag pa kan opisyal, sa rehiyon kan Shfela, 37 pa katawo an irido man huli sa nangyaring insidente.
Kinumpirma kan Israel Police sa sarong post sa X (dating Twitter) na an sarong welga sa gilid kan central coast sa Tel Aviv igwa man nin mga nagkapirang tawo an gadan asin irido pa sa presenteng panahon.
Segun pa kan ahensiya, 3 babae an nagadan makalihis man an sarong naenot na strike, naraot kani an three-storey building sa Israel’s Western Galilee region.
Mientrastanto, nahahandal man an mga Gulf States huli sa mga pag-atake kan Iran sa Israel.
Sinabi kan mga emergency services na sarong missile kan Iran an nagtama sa sarong harong sa Haifa region na nakagadan sa sarong babae na nasa 20 anyos asin nag-resulta man sa 14 katawo na irido.
An sarong tagapagtaram kan Magen David Adom (MDA), nagsabi sa Israeli broadcaster Channel 12 na nasa 200 katawo an irido pa sa overnight missile strikes kan Iran.
Dagdag pa kan nasambitang ahensiya kan Israel, na ini kasabay na nagtatrabaho ngani ma-intercept an sarong barrage nin mga missile hale sa Iran, mantang naggigibo man ini nin mga pag-atake sa Tehran.
