LEGAZPI CITY—Puminakol na sa 623 livestock raisers sa laog kan 6-kilometer permanent danger zone kan bulkang Mayon an target na magin benepisyaryo kan Cash-for-Work program kan gobierno.
Segun ki Albay Veterinary Office Head Dr. Pancho Mella, sa intrevista kan Bombo Radyo Legazpi, kabale sa magigin benipisyaryo kan programa an 29 livestock raisers hale sa banwan kan Malilipot; 65 sa Camalig; 109 sa Guinobatan; 91 hale sa Sto. Domingo; 67 sa Legazpi City; 33 livestock raisers hale sa Bacacay; 165 sa Daraga; mantang enot na man nakaresibe nin cash-for-work an 23 livestock raisers sa Ligao City asin 51 hale sa Tabaco City.
Magigin trabaho kan mga ini sa uroaldaw an pagpasiring sa polling sites asin sinda an maataman kan saindang mga ibinabang hayop hale sa permanent danger zone kan bulkan.
Segun sa opisyal ba gigibohon kan mga benipisyaryo an programa sa laog nin 30 aldaw kun saen makakaresibe an kada saro sainda nin P13,050.
Pig-asigurar man ni Mella na gabos na partner agencies kan lokal na gobierno an nagtatarabang nganing dae labing mamatean kan mga paraooma an epekto kan aktibidad kan bulkan sa saindang mga kabuhayan
