Sarong lalaki an nadukayang gadan sa laog kan saiyang harong sa Poblacion, Tapaz, Capiz.
An dai pinangaranan na biktima an napag-aramang 57 anyos, mayong trabaho, may agom, asin nagsosolo sa saiyang harong.
Basado sa impormasyon hale sa Tapaz Municipal Police Station, nagpasiring sa saindang istasyon si alyas “Boy” ngani na ireport an sarong maraot na parong na hale sa harong kan biktima.
Segun ki Boy, nahandal siya huli ta pirang aldaw nang dae nakaluwas an biktima asin huring nahiling kan Hulyo 1, alas 4:00 nin hapon.
Tulos man na nagresponde an mga pulis sa lugar asin nadukayan na naaagnas na an biktima sa saiyang higdaan.
Mientrastanto, base sa istorya kan aki kan biktima, an saiyang ama permihang nag-iinom nin arak asin haros aroaldaw ining ginigibo.
Nagtutubod man sinda na natural sanang pagkagadan ini huli ta mayo nin kalaban an saiyang ama sa saindang barangay.
Padagos an imbestigasyon kan mga otoridad dapit sa nasabing insidente.
