LEGAZPI CITY—Nagpapadagos an National Police Commission (NAPOLCOM) sa pagkundusir nin Annual Inspection and Assessment Program sa mga istasyon kan pulis sa isla provincia kan Catanduanes.
Segun ki Catanduanes Police Provincial Office Public Information Office Police Lieutenant Colonel Emsol Icawat, sa intrevista kan Bombo Radyo Legazpi, enot na isinagibo kan NAPOLCOM an Entrance Briefing kun sain pigtukar an proseso kan mga pag-inspeksyon magin kun anong mga lugar an saindang hihilingon.
Obheto kan lakdang na maaraman an compliance kan kapulisan basado sa mga criteria para sa allocation, distribution asin deployment sa manpower.
Sa ngonian nag-iikot na an nasabing ahensya sa mga istasyon kan pulis sa provincia.
Segun saiya, pig-analisar kaini an impact kan kapulisan sa aspeto kan crime rate, crime volume, asin response.
Dugang niya na isasagibo liwat an sarong briefing pagkatapos kan assessment nganing maaraman kun ano an mga kakulangan asin compliant na mga istasyon, siring man kun ano an mga dapat na baguhon asin rekomendsyon.
