Apat na retiradong Supreme Court justices an magtatao nin ekspertong legal na opinyon sa bilang kan boto na kinakaipuhan ngani na ma-convict o ma-acquit si Vice President Sara Duterte sa impeachment trial.
Tulo sainda an personal na mahampang sa impeachment court sa Setyembre 16, kaibanan sinda dating Chief Justices Artemio Panganiban asin Renato Puno, asin retired Associate Justice Adolf Azcuna.
Masumiter man nin legal memorandum si dating Chief Justice Hilario Davide Jr., na namayo sa impeachment trial ni dating Presidente Joseph Estrada kan 2001 hasta 2001.
Kasunod kan apela ni Senator-Judge Erwin Tulfo sa ruling ni presiding officer Chiz Escudero na nangangaipo nin 16 na boto para ma-convict an sarong impeachable official.
Kinuwestyon ni Tulfo an threshold huli sa padagos na kawaran nin apat na senator-judges, sinda Senator Jinggoy Estrada, Rodante Marcoleta, Bato dela Rosa asin Loren Legarda.
Sa Setyembre 16, pwedesir na maghapot an senator-judges sa mga Amici Curiae makalihis ilahad an saindang legal advisories.
Sa Setyembre 23 man, nagkakaigwa nin tig-15 minutong oral arguments an house prosecution asin defense panel antes bumoto an impeachment court sa apela asin dagos na resolberon an orolay sa voting threshold.
