Apat na katawo an kumpirmadong nagadan makalihis na buminagsak an sarong pribadong eroplano sa Sitio Malatimon, Ampatuan, Maguindanao del Sur.
Segun sa imbestigasyon kan Ampatuan Municipal Police Station (MPS), duwa sa mga nagadan an mga dayuhan.
Sa intrevista kan Star FM Cotabato sa mga awtoridad, ipigsaladawan nindang “brutal” an sinapit kan mga biktima.
Pigtutubudang naglukso hale sa eroplano an pira sainda bago magbagsak an nasambitang behikulo.
Wara mang nadamay na residente sa insidente, alagad sarong karabaw an naapektaran.
Nadukayan ining may matinding pinsala asin natangkas pa an nguso kaini nin huli sa impact kan pagbagsak kan eroplano.
Sa presente, padagos pang pig-iimbestigaran kan mga otoridad an kawsa kan trahedya.
Dae pa naaaraman kun ano an naging problema kan eroplano bago ini buminagsak.
Padagos man an retrieval operation nganing makuwa an gabos na parte kan eroplano asin maaraman an pagkakakilanlan kan mga biktima.
