Dai mababa sa 24 katao an nagadan asin 11 iba pa an lugadan makalihis magbanggaan an sarong bus asin truck sa Assam, amihanan-sirangan na parte kan India.
Nangyari an aksidente harani sa Kaziranga National Park, sarong UNESCO World Heritage Site.
Kabali sa mga nagadan an pirang estudyante sa kolehiyo.
Dinalagan man sa Jorhat Medical College and Hospital an mga lugadan para sa tulos na pagpapabulong.
Basado sa mga paenot na imbestigasyon, posibleng marikas an dalagan kan saro sa mga behikulo antes an insidente, alagad padagos pang iniimbestigaran an tunay na kawsa kan banggaan.
Nagpaabot naman nin pakikidumamay si Assam Chief Minister Himanta Biswa Sarma asin sinierto na prayoridad kan gobyerno an pagtao nin kaipuhan na tabang medikal sa mga biktima.
Mientrastanto, padagos na dakulang problema sa India an mga aksidente sa tinampo, kun saen uminabot sa 183,382 an nairehistrong nagadan kan 2025.
