LEGAZPI CITY- Nakapagbarewas an Department of Information and Communications Technology (DICT) Bicol ni nasa 2, 780 na mga simcards sa mga estudyante, paratukdo asin nagkapira pang benepistaryo sa Manawan Elementary School asin sa Barangay Manawan, Camalig Albay.
Segun ki DICT Bicol Regional Director asin Assistant Secretary June Vincent Manuel Gaudan sa intrevista kan Bombo Radyo Legazpi na an lambang simcards an igwang 25 Gigabyte kada bulan asin replenishable sa laog nin sarong taon.
Obheto kan programa kan ahensya na masierto an connectivity kan mga komunidad.
Napag-araman na pinag-adalan man kun ano an mga telecommunications na pinakamakusog sa sarong lugar.
Segun sa opisyal na sa bilog na rehiyong Bicol, target na makapagpanao nin nasa 30,000 hasta 40,000 na mga kaparehong simcards ngunyan na bulan.
Katakod kaini, nangapudan si Gaudan na magin responsable sa paggamit kan internet an mga sim card beneficiaries.
