Gadan saro matang 24 katawo an lugadan sa nangyaring mass shooting sa sarong birthday party sa Akron, Ohio.
Sarong lalaki na edad 27-anyos an nagadan sa nasabing insidente.
Pinaghahanap pa kan mga otoridad an suspek sa nasabing pambabadil makalihis na magdulag.
Nangyari an insidente sa katahawan kan engrandeng birthday party kun sain labi 200 na katawo an nag-atendir.
Segun sa Gun Violence Archive, saro an nasabing insidente sa 192 na mass shooting sa US ngonyan sanang taon.
