LEGAZPI CITY-Ipigheras kan sarong Bicolano artist an saiyang saiyang journey ngani magin bihasa sa manlain-lain na larangan, orog na sa paggibo nin musika, journalistic writing, asin visual expression poon sa pag-drawing hasta sa photography.
Segun ki Joseph Benedict Bernardino, sarong estudyante asin young artist sa rehiyon, sa intrevista kan Bombo Radyo Legazpi na nag-dakula siya sa pamilya kun sain architect an saiyang ama, mantang nagtutukdo nin pagtugtog gamit an gitara an saiyang lola.
Sa saiyang pag-istorya, sinabi niya na nagdakula man siya sa kinaban kan pag-drawing poon sa eskwelahan, siring kan visual arts, poster making contest, asin iba pa, na nadara niya hanggang sa pagtungtong niya sa kolehiyo.
Nakaukod man suboot siyang magtugtog nin gitara sa paagi kan saiyang mga friends poon sa high school.
Sinabi niya na sa puntong ini, nagkakaigwa nin identidad an mga kaklase niya, kun sain mas hinanap niya kun sain man siya komportable, matibay, asin kun sain mas mahahasa.
Digdi suboot mas nagkaigwa siya nin koneksyon sa lado naman kan musika.
Sa presente, igwa na siyang banda, saro man siyang producer, asin nagtutugtog gamit an iba pang mga instrumento.
Suportado man suboot kan saiyang mga magurang an gabos na piggigibo niya, basta nagkakaigwa nin time management pag-aboot naman sa saiyang pag-aadal.
Tinawan doon man niya na dapat aram sana kan sarong indibidwal kun ano an saindang limitasyon pagabot sa mga bagay na saindang pigsasagibo.
