Inanunsyar kan US charity World Central Kitchen na paramientras na ipupundo an operasyon sa Gaza makalihis na tamaan kan Israeli air strike an behikulo kaini na may lunad na mga empleyado.
Kinumpirmar man kan Israeli military an pagkagadan kan Palestinian employee kan World Central Kitchen sa nasabing airstrike asin inakusaran pa ini bilang terorista.
Sinabi man kan ahensya na wara ining anuman na impormasyon na igwang siisay man na indibidwal sa nasabing behikulo an konektado sa October 7 Hamas attack.
Marurumduman na enot ng sinabi ni Gaza civil defense agency spokesman Mahmud Bassal na nasa limang indibidwal an nagadan sa nasabing airstrike kaibanan na an tulong empleyado kan World Central Kitchen.
Pigklamar man kan Israeli army na an strike sa Khan Yunis an tuminama sa sarong unmarked vehicle asin an ruta kaini an bako coordinated para sa pagpapaabot nin ayuda.
