LEGAZPI CITY-Ligtas asin warang nairido sa walong Pilipinong paratukdo sa Debsirin School Nonthaburi sa Thailand makalihis an nangyaring pambabadail sa nasabing eskwelahan, na ikinagadan kan siyam na katawo asin ikinairido kan iba pa, susog sa Embahada kan Pilipinas sa Thailand.
Sinabi kan embahada na an gabos na walong walong rehistradong Pilipinong paratukdo an nakaligtas asin warang nairehistrong nairido sa mga ini.
Nagpaabot na an Embahada kan Pilipinas nin pakikidumamay sa mga pamilya asin mahal sa buhay kan mga biktima patin an sa bilog na komunidad kan eskwelahan asin sa Thailand government kasunod kan trahedya nin pambabadil sa eskwelahan sa Debsirin School.
Susog sa embahada na padagos kaining pigmomonitor an sitwasyon asin nakahanda ngani magtao nin anumang asistensya.
Marurumdumang nangyari an pambabadil sa Debsirin Nonthaburi School sa lalawigan kan Nonthaburi, na nasa hangganan kan Bangkok.
