Ipignigar ni Vice President Sara Duterte an nagin alegasyon kan Malakanyang na palpak an panunungkulan kaini bilang secretary kan Department of Education.
Segun pa sa Bise Presidente na sa katunayan dae sya suboot pigpapahali ni Presidente Ferdinand Marcos Jr. makalihis na magsumiter siya kan saiyang sesignation sa puwesto bilang secretary kan 2024.
Hinagad pa suboot ni Presidente Marcos na mawot niya nin ibang cabinet position alagad saiya ining sinayumahan.
Wara suboot sindang aram kun saen gikan an pahayag na palpak an saiyang pagigin secretary kan DepEd asin sinabing sarong panraraot sana ini saiya.
Enot nang sinabi ni Palace Press Officer Undersecretary Claire Castro na sarong kabiguan an pagiging DepEd Secretary ni Duterte huli sa nahuhuri an nacion sa estado kan edukasyon kumpara sa ibang nacion.
