Pigsugong magkumento kan Korte Suprema sinda Vice President Sara Duterte asin Atty. Israelito Torreon manungod sa mosyon na isinunad kan Kamara.
Pakatapos na mag-file nin Motion for Reconsideration, tulos na nagpaluwas nin orden an Korte Suprema sa duwang petitioner na bangaon na an saindang mga lado.
Makalihis ining magsagibo an Kataastaasang Hukuman nin En Banc session kan nakaaging aldaw.
Tinawan sana sinda nin dai malagpas sa sampulong (10) aldaw nganing magsumiter nin mga komento sa mosyon manungod sa Impeachment.
Sa lado man kan ikaduwang presidente, kinumpirmar kan saiyang legal counsel para sa Impeachment na si Atty. Michael Poa na susunodon ninda an ipinaluwas na orden kan Korte Suprema.
Magigirumdumang ideneklara kan Supreme Court an ‘articles of impeachment’ bilang ‘unconstitutional’ sa pagbayolar kan Kamara sa ‘1 year rule’ na pagsusunad nin impeachment complaint asin ‘due process’ na dapat isinaalang-alang sa pagproseso kan reklamo.
