Ipigkokunsiderar ni Commission on Audit Intelligence and Confidential Funds Audit Office (ICFAO) officer Xylene Mae del Campo na responsable o liable si Vice President Sara Duterte asin tulong iba pa sa P375 milyon na disallowed confidential funds kan Office of the Vice President.
Kaibanan sa pinangaranan sinda Gina Acosta, Chief Accountant Julieta Villadelrey, asin Col. Raymund Dante Lachica, na pamayo kan Vice Presidential Security and Protection Group.
Hinapot ni House private prosecution Atty. Lorna Kapunan an rason kun nata liable an mga nakalaag sa nasabing dokumento.
Paliwanag ni del Campo na nagpirma asin nag-aprubar si Duterte sa mga transaksyon, mantang sinda Acosta asin Villadelrey an may koneksyon sa proseso asin pag-cetify kan cash advances.
Si Lachica man an nagresibe nin cash advances para sa confidential expenses maski dae siya ipigdesignar na SDO.
