LEGAZPI CITY-Kinumpirmar ni OVP Assistant Chief of Staff Lemuel Ortonio na siya an namamayo sa pagrelease, paggamit asin liquidation kan pondo kan Office of the Vice President (OVP) ni Vice President Sara Duterte.
Kan ika-18 aldaw kan paglilitis sa impeachment ni Duterte kan Agosto 25, 2026, sinabi ni Ortonio na an OVP wara nin confidential funds kan siya magtukaw sa pwesto kan Hulyo 2022, asin na dai ini nag-eksister kan panahon ni dating Bise Presidente Leni Robredo.
Huli digdi, naghagad nin confidential funds an OVP sa Department of Budget and Management (DBM) sa paagi nin sarong surat na may petsang Agosto 22, 2022. Segun ki Ortonio, itinalaga ni Duterte an kantidad na pighahagad.
Ipinahiling kan prosekusyon an surat wara nin ano man na mga computation o kalkulasyon.
Ipinahiling man kaini an Physical and Financial Plan (PFP) na may petsang Setyembre 16, 2022—haros sarong bulan pakatapos kan request sa Department of Budget and Management.
Kun sain kinumpirmar ni Ortonio na dai nag-agi sa saiyang opisina an Physical and Financial Plan.
Segun ki Ortonio, hinagad an confidential funds para sa ligtas na implementasyon kan mga aktibidad kan Good Governance Program asin mga opisyal na engagement sa laog asin luwas kan nacion.
An impeachment trial presiding officer pigkonsiderar si Ortonio na sarong “hostile witness” pagkatapos na pigkwestyon kan prosekusyon an nagkapirang parte kan saiyang mga pahayag.
An panel kan depensa, sa ibong na lado, inapod an mga pahayag kan prosekusyon manungod sa mga confidential funds kan Opisina kan Bise Presidente (OVP) na mga “theories” asin “sound bites”.
Segun kay Atty. Kristine Ferrer, an 11 puntos na sinambit kan piskalya mga conclusion asin espekulasyon na dae pa napatunayan sa impeachment court.
Alagad, sinabi ni Ferrer na isasairarom man giraray sa cross-examination an testigo nganing patunayan o pahimutikan an mga alegasyon kan piskalya.
