LEGAZPI CITY – Nagpatanid an sarong veterinarian sa mga peligro kan volcanic ashfall sa salud kan mga atamang hayop.
Segun ki Dr. Manny Estipona, an pamayo kan Legazpi City Veterinary Office sa intrevista kan Bombo Radyo Legazpi na pinaka-komon sa epekto kan pagkaka-expose sa asupre asin abo kan mga hayop iyo an pneumonia.
Pwedesir man suboot ikagadan kan mga hayop an malalanghap nindang abo urog na kun mainit pa ini asin naglaog sa saindang respiratory system.
Numero unong maapektaran an mga livestock animal huli ta katabang ini kan mga paraooma na naka-istar sa mga haralangkaw na kabuludan asin harani sa bulkan.
Pigtaram pa kan nasabing veterinarian na mahigot man na ipinagbabawal an pagkaon sa mga livestock animal na na-expose sa abo kun kaya mas maray na ilikas man an mga ini enkaso mag-alburuto an sarong bulkan.
Saro suboot na sintomas kan mga hayop na nakalanghap nin abo hale sa bulkan an pagal sa paghangos asin pagkakaigwa nin 3rd degree burn.
Suhestyon ni Dr. Estipona sa mga lokal na gobierno kan mga banwaan na naapektaran tuyong nag-aalburuto ang sarong bulkan na magsagibo nin special operation procedure kun sain ibubugtak sa ligtas na lugar an mga hayop nganing mailikay an mga ini sa posibleng huma.
