Posibleng maglangkaw pa nin hasta P20 trillion an utang kan Pilipinas hasta sa pagtatapos kan termino ni Presidente Ferdinand “Bongbong” Marcos Jr.
Alagad segun kay Finance Secretary Ralph Recto, wara nin dapat na ikahandal an mga Pilipino huli ta 70% kan utang na ini an hali sa mga bangko sa laog kan Pilipinas mantang 30% an hali sa ibang nasyun.
Kumpiyansa man an opisyal na makusog an ekonomiya kan nasyun nin hasta sa P37 trillion sa taong 2028, kung kaya malalampasan man giraray an nasabing utang.
Sa ngunyang bulan nin Agosto nasa P15.48 trillion na an utang kan Pilipinas na 9.4% na mas halangkaw kesa sa dating P14.15 trillion kung ikukumpara sa nakalihis na taon.
Nasa 68.29% kaini an hali sa mga bangko sa Pilipinas mantang 31.71% an inutang hali sa ibang nasyun.
