Pigsugo kan Pentagon an tulos na pagpapatalsik sa poco mas o menos 1,000 transgender na suldados makalihis aprubaran kan Korte Suprema an pagbabawal sa saindang serbisyo.
Segun sa bagong kasuguan, igwang hasta Hunyo 6 an mga aktibong suldados asin Hulyo 7 man para sa mga reservist nganing boluntaryong mag-hali, bago punan an sapiritang pag-dismiss.
An mga sundalong may kasaysayan nin gender dysphoria an dae na man tutugutan na magpadagos sa serbisyo o mag-enlist.
An nasabing patakaran an parte kan Executive Order 14183 ni US President Donald Trump na obhetong tanggalon an “transgender ideology” sa militar.
Nakaguno man ini nin matinding pagtuyaw hale sa mga human rights group na nagsabing ini an diskriminasyon laban sa mga LGBTQ+ na suldados.
