
Nagpapahiling nin pagkontra an United States asin Russia sa paggibo nin legally binding rules para sa autonomous weapons sa sarong global meeting sa Geneva ngunyan na semana.
Segun sa mga diplomat asin rights groups, magigin masakit an mga pag-orolay huli sa magkaibang posisyon kan mga nasyon manungod sa Lethal Autonomous Weapons Systems o LAWS.
Piglalaoman na magdesisyon an meeting kun magpupuon na nin negosasyon para sa kasunduan na magbabawal asin magreregular sa mga armas na kayang maggadan na warang tawo na involved.
Suportado ini kan kadaklan sa 128 na estado na parte kan Convention on Certain Conventional Weapons, alagad kontra an mga mayor na military nations arog kan US, Russia, asin Israel.
Pig-aargumento kan mga ini na sapat na an existing humanitarian law para sa pagkontrol sa mga armas na ini.
Nagbabala man an mga lider kan United Nations (UN), International Committee of the Red Cross, asin an Santo Papa sa peligro kan autonomous weapons, mantang pigsasabi kan mga campaigners na pwedesir magkaigwa nin fatal errors huli sa unpredictable na paghiro kan mga ini.
Piglalaban kan US an guidelines imbes na binding rules asin nagproponer nin five-year mandate para sa non-binding agreement, mantang nagproponer an chair kan talks nin two-year mandate para sa legally binding protocol.






